Hanhivittikon Ystävät

Hanhivittikon Ystävät oon aatheelinen (ideell) yhistys, puoluepoliittisesti ja uskonolisesti riippumaton.

Hanhivittikon Ystävitten tarkotus oon kehittää, huoltaa ja hoitaa Elävää Kenttää Kulttuuri­reservaatissa Hanhivittikon kenttä.

Toiminan tarkotus oon tehhä eläväksi tämä osa tornionlaaksolaista kulttuuriperinettä, välittää elämyksiä ja tietoa menheitten ajoitten kenttäkulttuurista ja reservaatin erityisistä luonto- ja kulttuuriarvoista. Yks tärkeä osa työstä hoitaa ja suojata tätä, oon ette saa matkhaan nuoreman polven Hanhivittikon kentäle.

Yksityiset ja järjestöt jokka halvaavat toimia yhistyksen tarkotuksen puolesta oon tervetulheita jäseniksi.  Sie saatat tukea meitä maksamalla jäsenmakson meän pankkitilile 5934-7633.

Kirjota nimi ja osote ja mielelhään kans sinun e-postiosote. Eli käy meilä ja maksa suohraan Hanhivittikolla. Ota yhtheys Tage Töyrän kans jos sulla oon kysymyksiä jäsenyyestä, 070 553 27 22 eli e-posti: tagehjalmar (at) glocalnet.net.


Vuosimakso oon 100 kr, 200 kruunua perheeltä ja 500 kronor organisasjuunilta. Jäsenennä voit olla varma siittä ette sinun tuki käytethään meän kulttuuri- ja luononperintheen hyväksi!

Dela med andra: