Toiminta ja Ohjelmia

Aukiolo-ajat

Kesälä meilä oon Elävä Kenttä täälä kulttuurireservaatila; kenttäemänät/-isänät, tunturilehmät, lamphaat ja kanat tekevät kaikin parhaansa sen etheen ette sie saat kokea ja ymmärtää Hanhivittikon  sielun.

8. pv kesäkuuta, Salmonpäivänä, meilä perintheen mukhaan oon Kenttäpremiääri. Siittä saakka Hanhivittikon Kenttä oon auki joka päivä klo 10.00 - 15.00 aina 31. pv augusti-/elokuuta saakka.

Usseimpinna tuorestaina kesälä, ko meilä oon kesäohjelmaa klo 18.00, oon Kenttä kans auki klo 18.00 - 20.00, lue meän Kesäohjelmia.

Muut aukiolo-ajat niinku sovithaan, lue kans meän Ryhmäohjelmat.

Sulla oon aina maholisuus käyä kentälä ja marsia ja katella rakenuksia, mutta jos halvaat olla varma ette kohtaat jonku kenttäemänän/-isänän ja halvaat käyä taloissa sisälä, sinun pitäs tulla meän aukiolo-ajoila.

 

 

 

 

 

 

Dela med andra:

Sie ja sinun pere

Sulla oon aina maholisuus tulla kentäle ja marsia ja katella kukkia ja rakenuksia.

Jos niilä vain oon aikaa, niin kenttäemänät/-isänät tulevat kohtaahmaan sinua ja kertomhaan kentästä, elläimistä ja kasvista. Piiain kuppi kahvia maistus? Jos sie tykkäät Hanhivittikosta, niin piiain sieki halvaat alkaa Hanhivittikon Ystävät-jäseneksi. Vain 120 kruunula vuessa sie saatat auttaa meitä ylläpitähmään meän toimintaa.

 

 

 

 

 

 

 

 

Klikkaa tästä niin saat tietää miten pääset jäseneksi.