Työn semesteri?

Kenttäelämä oli arvostettu- se oli jonkulainen työn semesteri. Tänne perheet tulit kesinä lapsitten ja
karjan kansa, sitä kylästelthiin toisila kentilä, saunothiin ja olthiin yhessä. Outilan kenttä ei ollu ko
pari kilometriä etehlään päin. Ensinä perheilä oli lypsäjiä työntekijinnä- yks vaimo oli 30 kessää
peräkkää töissä kentälä! Ennenko meijeri rakenethiin Övertornehoon 1925, kaikki maijot valmistethiin
kentälä. Sitä tehthiin ensimäiseksi piimää ja voitaperintheinen juusto ei ollu niin tavalinen
Tornionlaaksossa niinku muuala Ruottissa. Sen siihaan tehthiin kahvijuustoa, yks suomalainen
erikoisuus. Kahvijuusto leikothaan pikku kappalheishiin ja panthaan kahviin- herkku vielä tänäki
päivänä!