Toiminta ja Ohjelmia
Aukiolo-ajat
JOULUHAUSKAA Hanhivittikolla
Jouluhauskaa - aina joulukuun ensimäisenä lauantaina!
Tervetuloa meille lauantaina 10.00-14.00 2 päivä joulukuuta 2023
Tonttu oon täälä pikkutontuiten kanssa.
Joulupuuro ja glögi oon rohki kuumat ja täälä oon paljon aktiviteettiä niin pienile ko isoile!
Sisäänpääsy 60 SEK per henkilö, 120 SEK per perhe
Yhteistyössä Tornedalens Folkhögskola ja Övertorneån kunnan kanssa
Kesälä meilä oon Elävä Kenttä täälä kulttuurireservaatila; kenttäemänät/-isänät, tunturilehmät, lamphaat ja kanat tekevät kaikin parhaansa sen etheen ette sie saat kokea ja ymmärtää Hanhivittikon sielun.
15. pv kesäkuuta, Salmonpäivänä, meilä perintheen mukhaan oon Kenttäpremiääri. Siittä saakka Hanhivittikon Kenttä oon auki joka päivä klo 10.00 - 15.00 aina 6. pv augusti-/elokuuta saakka.
Usseimpinna keskiviikoina kesälä, ko meilä oon kesäohjelmaa klo 17.00, oon Kenttä kans auki klo 17.00 - 19.00, lue meän Kesäohjelmia.
Muut aukiolo-ajat niinku sovithaan, lue kans meän Ryhmäohjelmat.
Sulla oon aina maholisuus käyä kentälä ja marsia ja katella rakenuksia, mutta jos halvaat olla varma ette kohtaat jonku kenttäemänän/-isänän ja halvaat käyä taloissa sisälä, sinun pitäs tulla meän aukiolo-ajoila.
Sie ja sinun pere
Sulla oon aina maholisuus tulla kentäle ja marsia ja katella kukkia ja rakenuksia.
Jos niilä vain oon aikaa, niin kenttäemänät/-isänät tulevat kohtaahmaan sinua ja kertomhaan kentästä, elläimistä ja kasvista. Piiain kuppi kahvia maistus? Jos sie tykkäät Hanhivittikosta, niin piiain sieki halvaat alkaa Hanhivittikon Ystävät-jäseneksi. Vain 120 kruunula vuessa sie saatat auttaa meitä ylläpitähmään meän toimintaa.