Hanhivittikon Kenttä ei oon auki 2020

Met tarjoama yksinkertasen mutta erikoisen asumisen ylä-tuassa jossa oon kaks huonetta joissa oon avo-piisit. Garanteeratusti "kerran elämässä-elämys"

Tupa maksaa 300 kr/henk. yheltä yöltä ja siinä oon 4+2 petiä. Sänkyvaatheet ja stäätauksen saattaa tilata lisä-hinthaan. Sitä saattaa puukata ajale 1 kesäkuuta - 15 oktuuperi-/lokakuuta, piiain muilaki ajoin jos kyssyy ensin.

Puukkaa kenttätupa osotheesta info@hanhivittikko.se eli soita kenttätelefoohniin  076 10 44 770

Sielä oon tarvittavat kampheet ruanlaitole valkealla; patoja, grillausritilä, porsliiniä, kahvelia, veittiä ja muuta. Ulkona sie lämmität veen säiliössä tiskiä ja ommaa hygieeniä varten, kummatki hoiethaan ulkona. Sääskimyrkky saattaa olla hyvä ottaa matkhaan niinku kynttilöitä ja fikklamppu.

Yks huone oon iso jossa oon kaks petiä perintheisessä ulosveettävässä sohvassa ja siihen oon kans maholisuus saa kaks ekstrapetiä, ja avo-piisi oon kans. Toinen huone oon pieni ja siinä oon kaks petiä ja avo-piisi.

Saatat maksaa tuan hyyryn kätheisellä paikan päälä eli jos halvaat, saatat maksaa etukätheen meän pankkisiirto-tilile (bg) 5934-7633.

Saatat kans puukata:

Sänkyvaatheet, hantuukin: 50 kr/henk.

Stäätauksen: 150kr/tupa

Jos sie tulet meile töihin kentäle volontäärinä, sie tulet asuhmaan tässä tuassa ilmaseksi jos jäät viikoksi eli pitemphään.